Aínda que este blog ten como contido e misión o campo do pastoral e relixioso, non lle é alleo o eido da cultura. Por iso no día das Letras Galegas vou facer unha breve lembranza do homenaxeado Xosé María Álvarez Blázquez (1915-1985). De seguido vai o poema Amigo do libro Poemas de ti e de min (facsímile do libro enteiro).Pol-a estrada de Pazos
qué ledo vou, ai madre!,
levando ás miñas costas
un fato de cantares.
Pol-a estrada de Pazos,
ai, madre!, qué ledicia,
co mar azur embaixo
i-o ceu azur enriba.
Pois xa sabes, ai, madre!,
vou ver ao meu amigo
e rubo a longa encosta
ledo do meu camiño.
Ledo do meu camiño
de Pazos de Borbén,
ao meu amigo, ai, madre!,
qué ledo falaréi.
Mentres rubo que rubo
– ai la-ri-la, la-ri-la –
penso no meu amigo,
ai, madriña!
Tamén se pode atopar en internet un xogo de preguntas para dúas persoas sobre a figura deste escritor.
Parroquia de Barciela - Sigüeiro 
Graciñas por compartir este poema nun día grande para as letras galegas.